هســترة

سحر يوم يفيض هسترة
للحفاظ على شوارعنا خالية من الازدحام : اكتب و اخرج الهسترة
هسترة ممزوجة بكل اللهجات و كل الافكار و كل الكلمات
"كلمات ليست كالكلمات"
كلمة من هنا و كلمة من هناك
"و دقي يا مزيكا "

:+:+:+:+:+:+:+:+:

غاليتي حايتمن تسبدها و انا حايمتن نفسيتي
هي هسترة هي فضفضة هي بعثرة هي نثر كل الافكار
"كذا ولا كذا و الليل ساري"
وش دخل الهسترة بالليل ؟؟
ولا أنا يتهيئ لي ان الواحد ما يهستر الا ف الليل
يمكن لانه من يجلس من نومه ف الصباح ما ينام لين نصوص الليالي
و تكون الشمس ضاربتـ (ـن) براسه بالنهار و ما تصير السما مظلمة الا و هو بالعـ (ـن) العافية
و لما يوصل السيد ليل متاخر بنصوص الليالي يكون كل فيوز ف المخ صالح للاستهلاك الادمي نقع
و نقعت معه كل مظاهر الحياة المتوازنة
ماعلينا

:+:+:+:+:+:+:+:+:+:

قالت لي انتي متى تنامين ؟
قلت لها قبل مااقعد من النوم .

:+:+:+:+:+:+:+:+:+:

أدب ساخر ولا أدب هستري
"كذا ولا كذا" يعجبني
يا كثر ماانتشر بالعنترنت بالايام هذي المدونات و البلوجات و عيال عمها "المكاتيب" و ولد عمهم الثاني ولد الافرنجية الورد بريس ولا تهون اليوميات
ظهرت المواهب و برزت الاسماء
من امة "معرفـ " ـها الخاص و النك نيم حقتها "أمة لا تقرأ"
أجل لو كانت ما تقرأ من يقرأ كل هالمكاتيب و البلوجات ؟
حسبي انهم يقرون لكن "مش ولابد"

:+:+:+:+:+:+:+:+:

هسترت و "علّق" مخي
و حتى الفيروول و الانتي فايروس هستروا وياي
صارت "عجأة" افكار و فوقها ازدحام هسترة
لا اشارات ولا تقاطعات و كوبريات ولا منافذ ولا يفيد شي
كل الطريق "سيدا "
بلا لف و لا دوران
امش سيدا و اقطع خمس اشارات
و بعد السادسة بعد كمل سيدا
بتلقى طعوس
برا بعيد عن الزحمة .. صار في مكان تجلس فيه مع نفسك و تشوف وش صاير بمخك المعلق
ووش هي سبب هالهسترة

سؤال يسدح نفسه ؟
وش علاقة الهسترة بالتفحيط؟
يقول القائل
ان الهسترة تؤدي الى دوران الافكار و المواضيع براس المهستر
بنفس الطريقة اللي يفحط فيه راعي التفحيط
و تنزلق الافكار تارة يمين و تارة يسار
مثل المساكين اللي يكونون مخاوين راعي التفحيط اخونا ف الله اللي ذكرناه قبل شوي
و يطلع الموضوع من اليمين و يدخل من اليسار
كما الكامري الابيض و ما يهونون حقين الكورولا
الزبدة تقول :
ان الهسترة و التفحيط للي ما يفهمهم شي ملخبط
و دنيا عفرا
"و شويخ من أرض مكناس وسط الاسواق يغني
وش علي انا من الناس وش على الناس مني "

:+:+:+:+:+:+:+:+:+:+:

هذي خربشات
بس كذا .. هسترة
يمكن مالها معنى و يمكن لها معاني
وش دراني أنا!!

:+:+:+:+:+:+:+:+:+:

و لا يزعلون علينا السعوديين كنا تسلفنا كم كلمة
"يا سلامي عليكم يالسعودية "
يا حبي لتس يا هنــاء و يا حبي لكلامتس
جِـــدة غير
و ما يهونون هل الشرقية
مثل ما يقولوا الهوى شرقي

ختامًا بكل حب مهستر عالق في زحمة شارع التحلية باخر الاسبوع
سلامٌ عليكم

19 - 02 -2008, 01:57 AM